oiso zur begriffsverklärung
[seppforchermodus=on]
da naum "stierwoscha" geht auf a belogarung soizburgs zruck. da legende noch haum de soizburga (noch mehreren wochn belogarung) auf eanara festung nurmehr OAN stier ghobt. iagendoana is daunn auf de idee kumma, dass ma den belogaran jo zoagn kunnt, dass ma nu gnua zan essn hot, damit de belogara (de jo a nua an begrenztn vorrot an fuada mitghobt haum) se denkan, dass de soizburga de belogarung locka aussitzn.
oiso hot ma den stier quer durch de festung triebn, dass a laut brüllt hot. und natiale hot man a aufd maua aufe triebn, damit de belogara eam segn. und damit glaum, dass des mehrere san, hot man augmoit und nomoi aufegjauckt. daunn haums na gwoschn, aundas augfablt und wieda aufegjauckt.
de belogara haum des gschluckt und san hamgaunga.
und drum hoasn de soizburga heit de stierwoscha...
[seppforchermodus=off]